প্রধানমন্ত্রীগী লোইশঙ
প্রধান মন্ত্রীনা সরকারগী মকোক ওইদুনা লৈবাক্কী সেবা তৌরকপা চহি ২৫ মপুং ফারকপা খা কোরিয়াগী রাস্ত্রপতি লি জে-মিয়ুংনা পাউজেল পীরকপগীদমক্তা থাগৎপা ফোংদোকখ্রে
থাগৎখিবা:
07 OCT 2026 9:22PM by PIB Imphal
প্রধান মন্ত্রী শ্রী নরেন্দ্র মোদীনা খা কোরিয়াগী রাস্ত্রপতি লি জে-মিয়ুংগী নুংশিজরবা য়াইফ-পাউজেলগীদমক থাগৎপা ফোংদোকখি। মহাক্না এপ্রিল থাদা মহাক্না ভারত্তা লাকখিবা অদু নীংশিংখি। মসিনা ভারত-কোরিয়াগী অখন্নবা স্ত্রেতেজিক পার্তনরশিপতা অনৌবা ইনোৎ পীখি।
লৈবাক অনিমক্না মল্তি-ফেসেতেদ কোওপরেসন হেন্না চেৎশিলহল্লগনি অমসুং মালেমগী শান্তি, স্তেবিলিতী অমসুং চাউখৎপগী মায়কৈদা পুন্না থবক তৌমিন্নগনি হায়না প্রধান মন্ত্রীনা থাজবা ফোংদোকখি।
শ্রী মোদীনা Xতা পোস্ত তৌখি:
নহাক্কী নুংশিজরবা পাউজেল অদুগীদমক রাস্ত্রপতি লি জে-মিয়ুং থাগৎচরি।
ঐখোয়গী অখন্নবা স্ত্রেতেজিক পার্তনরশিপতা অনৌবা ইনোৎ অমা পীরম্বা ওইনা এপ্রিলদা অদোম্না ভারত খোংচৎকীদমক্তা লাকখিবা অদু ঐহাক্না নুংশিজবা ফাওনা নীংশিংলি।
ঐহাক্না থাজবা থম্লি মদুদি ঐখোয় পুন্না ঐখোয়গী মল্তি-ফেসেতেদ কোওপরেসন হেন্না চেৎশিলহল্লগনি অমসুং মালেমগী শান্তি, স্তেবিলিতী অমসুং চাউখৎপা পুরক্নবা ঐখোয়গী মান্নবা মিৎয়েং অদু মাংলোমদা পুখৎলগনি।
ঐঙোন্দা থাগৎপা ফোংদোকপগীদমক থাগৎচরি।
মমাং চহিগী এপ্রিল থাদা রাস্ত্রপতিজীনা ইন্দিয়াদা লাকখিবা অদু ঐহাক্না নীংশিংজরি। রাস্ত্রপতিজীগী খোঙচৎ অসিনা লৈবাক অনিগী অখন্নবা স্ত্রেতেজিক পার্তনরশিপতা অনৌবা ইনোৎ হাপচিনবা ঙম্লে।
লাক্কদৌরিবা মতম অসিদা লৈবাক অনিমক্না তোঙান-তোঙানবা লমশিংদা পুন্না থবক তৌমিন্নবা হেনগৎহল্লগনি অমসুং মালেমদা শান্তি, অচেৎপা অমসুং চাউখৎপা পুরক্নবা পুন্না হোৎনমিন্নগনি হায়না ঐহাক্না থাজবা থম্লি।
@Jaemyung_Lee
***
(রিলিজ আই.দি.: 2322699)
ভিজিতর কাউন্তর : 5
রিলিজ অসি মসিদা পাবীয়ু:
Urdu
,
English
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam