ਇੰਡੀਅਨ ਕੌਂਸਲ ਆਫ ਐਗਰੀਕਲਚਰਲ ਰਿਸਰਚ (ਆਈਸੀਏਆਰ) 15 ਅਕਤੂਬਰ 2026 ਨੂੰ ਆਈਸੀਏਆਰ-ਕੇਂਦਰੀ ਮਿੱਟੀ ਖਾਰਾਪਣ ਖੋਜ ਸੰਸਥਾਨ (ਸੀਐੱਸਐੱਸਆਰਆਈ), ਕਰਨਾਲ, ਹਰਿਆਣਾ ਵਿੱਚ ਇੱਕ ਕਰਟਨ ਰੇਜ਼ਰ ਪ੍ਰੋਗਰਾਮ ਅਤੇ ਮੀਡੀਆ ਸੰਵਾਦ ਦਾ ਆਯੋਜਨ ਕਰੇਗੀ। ਇਸ ਪ੍ਰੋਗਰਾਮ ਦਾ ਆਯੋਜਨ 27 ਤੋਂ 29 ਅਕਤੂਬਰ 2026 ਤੱਕ ਨਵੀਂ ਦਿੱਲੀ ਦੇ ਪ੍ਰਗਤੀ ਮੈਦਾਨ ਸਥਿਤ ਭਾਰਤ ਮੰਡਪਮ ਵਿੱਚ ਆਯੋਜਿਤ ਹੋਣ ਵਾਲੇ ਉਭਰਦੇ ਵਿਗਿਆਨ, ਤਕਨਾਲੋਜੀ ਅਤੇ ਨਵੀਨਤਾ ਸੰਮੇਲਨ (ਈਐੱਸਟੀਆਈਸੀ)- 2026 ਤੋਂ ਪਹਿਲਾਂ ਕੀਤਾ ਜਾ ਰਿਹਾ ਹੈ। 

ਖੇਤੀਬਾੜੀ ਖੋਜ ਅਤੇ ਸਿੱਖਿਆ ਵਿਭਾਗ (ਡੀਏਆਰਈ) ਦੇ ਸਕੱਤਰ ਅਤੇ ਭਾਰਤੀ ਖੇਤੀਬਾੜੀ ਖੋਜ ਪ੍ਰੀਸ਼ਦ (ਆਈਸੀਏਆਰ) ਦੇ ਡਾਇਰੈਕਟਰ ਜਨਰਲ ਡਾ. ਐੱਮ ਐੱਲ ਜਾਟ, ਈਐੱਸਟੀਆਈਸੀ-2026 ਦੇ ਕਰਟਨ ਰੇਜ਼ਰ ਪ੍ਰੋਗਰਾਮ ਨੂੰ ਸੰਬੋਧਨ ਕਰਨਗੇ ਅਤੇ ਈਐੱਸਟੀਆਈਸੀ-2026 ਵਿੱਚ ਆਈਸੀਏਆਰ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕਰਨਗੇ।

ਇਸ ਪ੍ਰੋਗਰਾਮ ਵਿੱਚ ਖੇਤੀਬਾੜੀ ਤਕਨਾਲੋਜੀ, ਖੁਰਾਕ ਪ੍ਰਣਾਲੀਆਂ ਅਤੇ ਪੋਸ਼ਣ ‘ਤੇ ਮੀਡੀਆ ਨਾਲ ਸੰਵਾਦ ਕੀਤਾ ਜਾਵੇਗਾ। ਇਸ ਨਾਲ ਐਗਰੋ-ਟੈਕ, ਖੁਰਾਕ ਪ੍ਰਣਾਲੀਆਂ ਅਤੇ ਪੋਸ਼ਣ ਵਿੱਚ ਉਭਰਦੇ ਵਿਕਾਸ ‘ਤੇ ਚਰਚਾ ਲਈ ਇੱਕ ਪਲੈਟਫਾਰਮ ਉਪਲਬਧ ਹੋਵੇਗਾ। 

ਈਐੱਸਟੀਆਈਸੀ 2026 ਵਿੱਚ ਆਈਸੀਏਆਰ

ਖੇਤੀਬਾੜੀ ਖੋਜ ਅਤੇ ਸਿੱਖਿਆ ਵਿਭਾਗ (ਡੀਏਆਰਈ) ਦੇ ਸਕੱਤਰ ਅਤੇ ਭਾਰਤੀ ਖੇਤੀਬਾੜੀ ਖੋਜ ਪ੍ਰੀਸ਼ਦ (ਆਈਸੀਏਆਰ) ਦੇ ਡਾਇਰੈਕਟਰ ਜਨਰਲ, ਭਾਰਤ ਸਰਕਾਰ ਦੇ ਕਈ ਪ੍ਰਮੁੱਖ ਵਿਗਿਆਨੀ ਅਤੇ ਤਕਨਾਲੋਜੀ ਵਿਭਾਗਾਂ ਦੇ ਪ੍ਰਮੁੱਖਾਂ ਨਾਲ, ਈਐੱਸਟੀਆਈਸੀ-2026 ਦੀ ਸੰਚਾਲਨ ਕਮੇਟੀ ਦੇ ਮੈਂਬਰ ਹਨ। ਆਈਸੀਏਆਰ, ਈਐੱਸਟੀਆਈਸੀ-2026 ਦੇ 12 ਪ੍ਰਮੁੱਖ ਵਿਸ਼ਾਗਤ ਸੈਸ਼ਨਾਂ ਵਿੱਚੋਂ ਇੱਕ, “ਐਗਰੋ-ਟੈਕ, ਖੁਰਾਕ ਪ੍ਰਣਾਲੀ ਅਤੇ ਪੋਸ਼ਣ” ਵਿਸ਼ਾਗਤ ਸੈਸ਼ਨ ਨਾਲ ਸਿੱਧੇ ਤੌਰ ‘ਤੇ ਜੁੜਿਆ ਹੋਇਆ ਹੈ ਅਤੇ ਇਸ ‘ਤੇ 29 ਅਕਤੂਬਰ, 2026 ਨੂੰ ਚਰਚਾ ਕੀਤੀ ਜਾਵੇਗੀ। ਇਸ ਸੈਸ਼ਨ ਦੀ ਪ੍ਰਧਾਨਗੀ ਡੀਏਆਰਈ ਦੇ ਸਕੱਤਰ ਅਤੇ ਆਈਸੀਏਆਰ ਦੇ ਡਾਇਰੈਕਟਰ ਜਨਰਲ ਅਤੇ ਮਿਨੀਸਟਰੀ ਔਫ ਫੂਡ ਪ੍ਰੋਸੈੱਸਿੰਗ ਇੰਡਸਟਰੀਜ਼ (ਐੱਮਓਐੱਫਪੀਆਈ) ਦੇ ਸਕੱਤਰ ਕਰਨਗੇ। ਇਸ ਸੈਸ਼ਨ ਵਿੱਚ ਮੁੱਖ ਸੰਬੋਧਨ ਦੇ ਨਾਲ-ਨਾਲ ਡੀਪ-ਟੇਕ ਸਟਾਰਟਅੱਪ ਦੇ ਸੀਈਓ, ਇੱਕ ਮਹਿਲਾ ਉੱਦਮੀ ਅਤੇ ਵਿਗਿਆਨ ਅਤੇ ਤਕਨਾਲੋਜੀ (ਐੱਸ ਐਂਡ ਟੀ) ਪ੍ਰਮੁੱਖਾਂ ਦੁਆਰਾ ਪੇਸ਼ਕਾਰੀਆਂ ਅਤੇ ਉਸ ਤੋਂ ਬਾਅਦ ਇੱਕ ਪੈਨਲ ਚਰਚਾ ਕੀਤੀ ਜਾਵੇਗੀ। ਇਹ ਸੈਸ਼ਨ ਭਾਰਤ ਦੇ ਵਿਆਪਕ ਵਿਗਿਆਨ ਅਤੇ ਤਕਨਾਲੋਜੀ ਦ੍ਰਿਸ਼ ਵਿੱਚ ਖੇਤੀਬਾੜੀ ਖੋਜ, ਨਵੀਨਤਾ ਅਤੇ ਉਭਰਦੀਆਂ ਤਕਨਾਲੋਜੀਆਂ ਦੇ ਯੋਗਦਾਨ ਨੂੰ ਦਰਸਾਉਣ ਲਈ ਇੱਕ ਪਲੈਟਫਾਰਮ ਪ੍ਰਦਾਨ ਕਰੇਗਾ। ਆਈਸੀਏਆਰ-ਭਾਰਤੀ ਖੇਤੀਬਾੜੀ ਖੋਜ ਸੰਸਥਾਨ (ਆਈਏਆਰਆਈ), ਆਈਸੀਏਆਰ-ਨੈਸ਼ਨਲ ਇੰਸਟੀਟਿਊਟ ਆਫ ਪਲਾਂਟ ਬਾਇਓਟੈਕਨਾਲੋਜੀ ਐਂਡ ਆਈਸੀਏਆਰ-ਨੈਸ਼ਨਲ ਰਾਈਸ ਰਿਸਰਚ ਇੰਸਟੀਟਿਊਟ ਦੇ ਖੋਜਕਰਤਾਵਾਂ ਸਮੇਤ ਕਈ ਆਈਸੀਏਆਰ ਵਿਗਿਆਨਕ ਈਐੱਸਟੀਆਈਸੀ-2026 ਵਿੱਚ ਬੁਲਾਰਿਆਂ ਦੀ ਸੂਚੀ ਵਿੱਚ ਸ਼ਾਮਲ ਹਨ। ਆਈਸੀਏਆਰ ਦੀ ਭਾਗੀਦਾਰੀ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏਆਈ), ਰੋਬੋਟਿਕ, ਡਿਜੀਟਲ ਐਗਰੀਕਲਚਰਲ, ਉੱਨਤ ਫਸਲ ਸੁਧਾਰ, ਜੀਨ ਸੰਪਾਦਨ ਅਤੇ ਟਿਕਾਊ ਖੇਤੀਬਾੜੀ ਪ੍ਰਣਾਲੀਆਂ ਵਿੱਚ ਹੋਈ ਪ੍ਰਗਤੀ ਨੂੰ ਦਰਸਾਉਣਗੇ। ਇਸ ਤੋਂ ਇਲਾਵਾ, ਆਈਸੀਏਆਰ ਈਐੱਸਟੀਆਈਸੀ-2026 ਪ੍ਰਦਰਸ਼ਨੀ ਵਿੱਚ “ਐਗਰੋ-ਟੈਕ, ਖੁਰਾਕ ਪ੍ਰਣਾਲੀ ਅਤੇ ਪੋਸ਼ਣ” ਵਿਸ਼ੇ ਦੇ ਅਧੀਨ ਆਪਣੇ ਨਵੀਨਤਾ ਦਾ ਪ੍ਰਦਰਸ਼ਨ ਕਰੇਗਾ। 

ਈਐੱਸਟੀਆਈਸੀ-2026

ਈਐੱਸਟੀਆਈਸੀ-2026 ਵਿਗਿਆਨ, ਤਕਨਾਲੋਜੀ ਅਤੇ ਨਵੀਨਤਾ ਲਈ ਇੱਕ ਪ੍ਰਮੁੱਖ ਪਲੈਟਫਾਰਮ ਹੈ, ਜੋ ਸਰਕਾਰੀ ਮੰਤਰਾਲਿਆਂ ਅਤੇ ਵਿਭਾਗਾਂ, ਖੋਜਕਰਤਾਵਾਂ, ਨਵੀਨਤਾਕਾਰਾਂ, ਡੀਪ-ਟੇਕ ਸਟਾਰਟਅੱਪਸ, ਉਦਯੋਗਾਂ, ਨੀਤੀ ਨਿਰਮਾਤਾਵਾਂ, ਫੰਡਿੰਗ ਏਜੰਸੀਆਂ ਅਤੇ ਵਿਸ਼ਵਵਿਆਪੀ ਮਾਹਰਾਂ ਨੂੰ ਇਕੱਠੇ ਲਿਆਉਂਦਾ ਹੈ। ਭਾਰਤ ਸਰਕਾਰ ਦੇ ਪ੍ਰਧਾਨ ਵਿਗਿਆਨਕ ਸਲਾਹਕਾਰ ਦਫ਼ਤਰ ਦੀ ਅਗਵਾਈ ਵਿੱਚ, ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ ਦੇ ਵਿਗਿਆਨਕ ਅਤੇ ਉਦਯੋਗਿਕ ਖੋਜ ਪ੍ਰੀਸ਼ਦ (ਸੀਐੱਸਆਈਆਰ) ਦੁਆਰਾ ਆਯੋਜਿਤ ਅਤੇ ਰਾਸ਼ਟਰੀ ਅੰਤਰ-ਅਨੁਸ਼ਾਸਨੀ ਵਿਗਿਆਨ ਅਤੇ ਤਕਨਾਲੋਜੀ ਸੰਸਥਾਨ (NIIST) ਦੇ ਆਯੋਜਨ ਭਾਗੀਦਾਰੀ ਵਜੋਂ ਇਹ ਤਿੰਨ ਦਿਨਾਂ ਦੇ ਪ੍ਰੋਗਰਾਮ ਅਤਿ-ਆਧੁਨਿਕ ਖੋਜ, ਉੱਭਰਦੀਆਂ ਤਕਨਾਲੋਜੀਆਂ ਦੇ ਨਾਲ-ਨਾਲ ਡੀਪ-ਟੇਕ ਨਵੀਨਤਾਵਾਂ ਨੂੰ ਪ੍ਰਦਰਸ਼ਿਤ ਕਰਨ ਅਤੇ ਵਿਕਸਿਤ ਭਾਰਤ 2047 ਦੀ ਕਲਪਨਾ ਦੀ ਦਿਸ਼ਾ ਵਿੱਚ ਵਿਗਿਆਨ, ਤਕਨਾਲੋਜੀ ਅਤੇ ਨਵੀਨਤਾ ਦੇ ਉੱਭਰਦੇ ਅਤੇ ਮਹੱਤਵਪੂਰਨ ਖੇਤਰਾਂ ਵਿੱਚ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਪਲੈਟਫਾਰਮ ਪ੍ਰਦਾਨ ਕਰੇਗਾ।

ਇਸ ਸੰਮੇਲਨ ਵਿੱਚ ਪਰਮਾਣੁ ਊਰਜਾ ਵਿਭਾਗ (ਡੀਏਈ),ਆਯੁਸ਼ ਮੰਤਰਾਲਾ, ਜੈਵਿਕ ਤਕਨਾਲੋਜੀ ਵਿਭਾਗ (ਡੀਬੀਟੀ), ਵਿਗਿਆਨ ਅਤੇ ਤਕਨਾਲੋਜੀ ਵਿਭਾਗ (ਡੀਐੱਸਟੀ), ਰੱਖਿਆ ਵਿਭਾਗ/ਡੀਆਰਡੀਓ, ਧਰਤੀ ਵਿਗਿਆਨ ਮੰਤਰਾਲਾ (ਐੱਮਓਈਐੱਸ), ਉੱਚ ਸਿੱਖਿਆ ਵਿਭਾਗ, ਇਲੈਕਟ੍ਰੌਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲਾ (METI), ਆਈਸੀਏਆਰ, ਸਿਹਤ ਖੋਜ ਵਿਭਾਗ (ਡੀਐੱਚਆਰ)/ ਭਾਰਤੀ ਮੈਡੀਕਲ ਖੋਜ ਪ੍ਰੀਸ਼ਦ (ਆਈਸੀਐੱਮਆਰ), ਪੁਲਾੜ ਵਿਭਾਗ/ਆਈਐੱਸਆਰਓ ਅਤੇ ਦੂਰਸੰਚਾਰ ਵਿਭਾਗ (ਡੀਓਟੀ) ਦੇ ਪ੍ਰਤੀਨਿਧੀਆਂ ਦੇ ਨਾਲ-ਨਾਲ ਨੋਬਲ ਪੁਰਸਕਾਰ ਜੇਤੂ, ਵਿਸ਼ਵ ਮਾਹਰ, ਉਦਯੋਗਪਤੀ, ਨੀਤੀ ਨਿਰਮਾਤਾ ਅਤੇ ਉੱਭਰਦੇ ਵਿਗਿਆਨ ਅਤੇ ਤਕਨਾਲੋਜੀ ਪ੍ਰਮੁੱਖ, ਖੋਜਕਰਤਾ, ਨਵੀਨਤਾਕਾਰੀ, ਡੀਪ-ਟੇਕ ਸਟਾਰਟਅੱਪ, ਉਦਯੋਗ, ਫੰਡਿੰਗ ਏਜੰਸੀਆਂ, ਨੀਤੀ ਨਿਰਮਾਤਾ ਅਤੇ ਆਲਮੀ ਮਾਹਰ ਵੀ ਸ਼ਾਮਲ ਹੋਣਗੇ।

ਈਐੱਸਟੀਆਈਸੀ-2026 ਵਿੱਚ ICAR ਦੀ ਭਾਗੀਦਾਰੀ, ਵਿਕਸਿਤ ਭਾਰਤ@2047 ਦੇ ਦ੍ਰਿਸ਼ਟੀਕੋਣ ਦੇ ਅਨੁਸਾਰ, ਟਿਕਾਊ ਅਤੇ ਤਕਨਾਲੋਜੀ-ਅਧਾਰਿਤ ਖੇਤੀਬਾੜੀ ਅਤੇ ਖੁਰਾਕ ਪ੍ਰਣਾਲੀਆਂ ਦੀ ਦਿਸ਼ਾ ਵਿੱਚ ਸਹਿਯੋਗੀ ਯਤਨਾਂ ਨੂੰ ਮਜ਼ਬੂਤ ​​ਕਰਨ ਵਿੱਚ ਯੋਗਦਾਨ ਪ੍ਰਦਾਨ ਕਰੇਗੀ।

******

ਐੱਸਐੱਸ/ਐੱਮਐੱਸ/ਏਕੇ