پوسٹ کرنے کی تاریخ:
27 OCT 2026 5:45PM by PIB Delhi
ہندوستانی ریلویز نے مرکزی روزگار نوٹس (سی ای این) نمبر 08/2026 کے تحت اسٹیشن ماسٹر کی بھرتی کے لیے آن لائن درخواستوں کا آغاز کرکے گریجویٹ امیدواروں کے لیے روزگار کا ایک نیا موقع فراہم کیا ہے۔ بھرتی کا یہ عمل اہل امیدواروں کو ملازمت کے مواقع فراہم کرنے کے ساتھ ساتھ اپنے عملی افرادی قوت کو مضبوط بنانے کے لیے ہندوستانی ریلویز کی مسلسل کوششوں کی عکاسی کرتا ہے۔
بھرتی سے متعلق ایک اہم فیصلے کے تحت ریلوے بورڈ نے طے کیا ہے کہ 2026 سے اسٹیشن ماسٹر کی بھرتی کا اعلان الگ سے کیا جائے گا۔ اس مخصوص بھرتی کے عمل کے تحت امیدواروں کو اس عہدے کے لیے اہلیت کے تقاضوں، امتحانی طریقۂ کار اور آسامیوں کی تقسیم سے متعلق تفصیلات ایک علیحدہ نوٹیفکیشن میں فراہم کی جائیں گی۔
مرکزی روزگار نوٹس 08/2026 کے تحت ریلوے بھرتی بورڈ کے لحاظ سے آسامیوں کی تقسیم سے یہ ظاہر ہوتا ہے کہ مختلف ریلوے بھرتی بورڈز اور زونس میں مجموعی طور پر 1,265 آسامیاں دستیاب ہیں۔ یہ مواقع ریلوے کے متعدد زونس میں پھیلے ہوئے ہیں، جس سے اہل گریجویٹ امیدواروں کو ملک کے مختلف حصوں میں ان عہدوں کے لیے مقابلہ کرنے کا موقع ملے گا۔
آن لائن درخواستیں جمع کرانے کا عمل آج شروع ہوگیا ہے اور 25 نومبر 2026 کو یہ عمل ختم ہوگا۔ امیدواروں کو مشورہ دیا جاتا ہے کہ وہ اپنے درخواست فارم جمع کرانے سے پہلے اہلیت کی تفصیلی شرائط، آسامیوں کی تقسیم اور درخواست دینے سے متعلق ہدایات کا بغور جائزہ لے لیں۔
امیدوار درج ذیل سرکاری روابط کے ذریعے بھرتی کے تفصیلی نوٹیفکیشن، اہلیت کے تقاضوں، امتحان کے نصاب، درخواست دینے سے متعلق ہدایات اور ریلوے بھرتی بورڈ کے لحاظ سے آسامیوں کی تقسیم کی تفصیلات حاصل کر سکتے ہیں۔
تفصیلی نوٹیفکیشن - مرکزی روزگار نوٹس نمبر 08/2026، اسٹیشن ماسٹر:
ریلوے بھرتی بورڈ کی سرکاری ویب سائٹ:
https://rrb.indianrailways.gov.in/](https://rrb.indianrailways.gov.in/?utm_source=chatgpt.com)
آن لائن درخواست دینے کا پورٹل:
https://www.rrbapply.gov.in/](https://www.rrbapply.gov.in/?utm_source=chatgpt.com)
امیدواروں کو مشورہ دیا جاتا ہے کہ بھرتی سے متعلق تازہ ترین معلومات اور ہدایات کے لیے ریلوے بھرتی بورڈ کی سرکاری اطلاعات پر ہی بھروسہ کریں۔
**********
ش ح۔۔ ش م۔ ر ب
U-6782