پوسٹ کرنے کی تاریخ:
28 OCT 2026 12:16PM by PIB Delhi
مرکزی وزیر جل شکتی نے پُنہہ بھرن موبائل ایپلی کیشن کا آغاز کیا ہے۔ اس ایپلی کیشن کو جل شکتی کی وزارت کے محکمہ آبی وسائل، دریاؤں کی ترقی اور دریاؤں کی بحالی نے قومی آبی مشن کے اشتراک سے بی آئی ایس اے جی-این کے ذریعے تیار کیا ہے۔ اس کا مقصد زیرِ زمین پانی کی سطح کو بڑھانے کے لیے سائنسی بنیادوں پر پانی کی دوبارہ بھرپائی کی منصوبہ بندی میں مدد فراہم کرنا ہے۔
یہ موبائل ایپلی کیشن صارفین کو تین کلومیٹر تک کے دائرے میں مصنوعی طریقوں سے زیرِ زمین پانی کی دوبارہ بھرپائی کے ممکنہ علاقوں کی نشاندہی کرنے اور مقامی حالات کے مطابق موزوں ڈھانچوں کا انتخاب کرنے کی سہولت فراہم کرتی ہے۔
ویب پورٹل کے ذریعے گاؤں کی سطح پر مصنوعی آبی بھرپائی کے ڈھانچوں کے لیے علاقوں کی درجہ بندی کے نقشوں، جغرافیائی معلوماتی نظام کے آلات اور موضوعاتی معلوماتی تہوں تک رسائی حاصل کی جا سکتی ہے۔ یہ سہولتیں زیرِ زمین پانی کے پائیدار انتظام کے لیے باخبر منصوبہ بندی میں مدد دیتی ہیں۔
یہ پلیٹ فارم بارش، زیرِ زمین پانی کی سطح، زیرِ زمین پانی کی پیداوار، زمین کی ڈھلوان اور نکاسیٔ آب سمیت جغرافیائی معلومات پر مبنی اعداد و شمار استعمال کرتا ہے، تاکہ پانی کی دوبارہ بھرپائی کے ممکنہ علاقوں کی نشاندہی اور مناسب اقدامات کی منصوبہ بندی کی جا سکے۔
پُنہہ بھرن — جغرافیائی ٹیکنالوجی کے ذریعے زیرِ زمین پانی کی دوبارہ بھرپائی کے لیے سائنسی منصوبہ بندی کو فروغ دینا۔
******
(ش ح ۔رک)
U. No.6819