پوسٹ کرنے کی تاریخ:
28 OCT 2026 9:20PM by PIB Delhi
’خصوصی مہم 6‘ کے ایک حصے کے طور پر، قانون اور انصاف کی وزارت کے قانون سازی کے محکمے نے 28 اکتوبر 2026 کو ڈاکٹر راجیو منی، سکریٹری، قانون سازی کے محکمے کی رہ نمائی میں، کرتویہ بھون-II، نئی دہلی کی چوتھی منزل پر بہترین طور طریقوں پر ایک ورکشاپ کا انعقاد کیا۔ ورکشاپ کا مقصد مؤثر انتظامی طریقوں کو اپنانے، ادارہ جاتی کارکردگی کو مضبوط بنانے اور محکمے کے کام کاج میں شفافیت، جواب دہی اور مسلسل بہتری کے کلچر کو فروغ دینا تھا۔
جناب جی. پنمئی، جوائنٹ سکریٹری اور قانون سازی کے مشیر (جے ایس اینڈ ایل سی) اور نوڈل آفیسر نے محکمے کے دیگر سینئر افسران اور اہلکاران کے ساتھ ورکشاپ میں شرکت کی۔ ورکشاپ کا انعقاد انڈیا ایڈز این جی او کے تعاون سے کیا گیا تھا، جس نے ڈاکٹر دیویندر پرساد مانجھی، ایم فل، پی ایچ ڈی (مینجمنٹ) کی بطور ریسورس پرسن شرکت کو ممکن بنایا۔
ڈاکٹر مانجھی نے انتظامیہ میں بہترین طور طریقوں پر ایک معلوماتی اور دل چسپ لیکچر دیا، جس میں سرکاری طریقہ کار کو ہم وار کرنے، ورک فلو مینجمنٹ کو بہتر بنانے، ریکارڈز کی منظم دیکھ بھال کو یقینی بنانے اور دستیاب وسائل کے بہترین استعمال کو فروغ دینے میں ان کی اہمیت کو اجاگر کیا۔ انھوں نے روزمرہ کی انتظامی سرگرمیوں کے لیے عملی اور نتیجہ خیز طریقوں کو اپنانے، طریقہ کار میں تاخیر کو کم کرنے، مناسب دستاویزات کو برقرار رکھنے اور اہلکاران کے درمیان ہم آہنگی کو مضبوط بنانے کی ضرورت پر بھی زور دیا۔ اس سیشن نے ان طریقوں کے بارے میں قیمتی بصیرت فراہم کی جن کے ذریعے بہترین طور طریقوں کو اپنانے سے حکومتی کام کاج میں زیادہ کارکردگی، شفافیت اور جواب دہی میں مدد مل سکتی ہے۔
ورکشاپ نے شرکا کو موجودہ انتظامی طریقہ کار پر غور کرنے اور ایسے شعبوں کی نشان دہی کرنے کا موقع بھی فراہم کیا جہاں بہتری لائی جا سکتی ہے۔ گفت و شنید نے منظم دفتری ریکارڈ کو برقرار رکھنے، سرکاری کاموں کو بروقت نمٹانے کو یقینی بنانے، روزمرہ کے کام کاج میں نظم و ضبط کو فروغ دینے اور انتظامی مسائل کو حل کرنے کے لیے ایک فعال نقطہ نظر اپنانے کی اہمیت کو اجاگر کیا۔ یہ طریقے خصوصی مہم 6 کے مقاصد سے خاص طور پر متعلق ہیں، جو صفائی کو ادارہ جاتی بنانے، ریکارڈ مینجمنٹ کو بہتر بنانے، زیر التوا کاموں کو کم کرنے اور مؤثر حکم رانی کو فروغ دینے کی کوشش کرتی ہے۔
شرکا سے خطاب کرتے ہوئے، جناب جی. پنمئی، جے ایس اینڈ ایل سی اور نوڈل آفیسر نے کارکردگی، جواب دہی اور شفافیت کو بڑھانے کے لیے بہترین طور طریقوں کو روزمرہ کے انتظامی کام کاج میں شامل کرنے کی اہمیت پر زور دیا۔ انھوں نے افسران اور اہلکاران کو ورکشاپ کے دوران حاصل کردہ علم کو اپنے متعلقہ کام کے شعبوں میں لاگو کرنے اور زیادہ مؤثر، جواب دہ اور منظم انتظامی ماحول بنانے میں اپنا حصہ ڈالنے کی ترغیب دی۔ انھوں نے ڈاکٹر دیویندر پرساد مانجھی کا ان کے قیمتی علم اور بصیرت کو شیئر کرنے کے لیے اور انڈیا ایڈز این جی او کا ورکشاپ کے اہتمام میں ان کے تعاون کے لیے بھی شکریہ ادا کیا۔
یہ ورکشاپ خصوصی مہم 6 کے تحت ایک اہم اقدام تھا، جو انتظامی عمل کو بہتر بنانے، اچھی حکم رانی کو فروغ دینے اور کام کی جگہ کی کارکردگی اور عوامی خدمات کی فراہمی میں پائیدار بہتری کے لیے بہترین طور طریقوں کو ادارہ جاتی بنانے کے لیے قانون سازی کے محکمے کے عزم کی تصدیق کرتا ہے۔
***
(ش ح - ع ا)
U.No. 6879