ٹرائی نے اروناچل پردیش میں شمال مشرقی ایل ایس اے کے تحت ضلع لوہت کے مختلف علاقوں اور قومی شاہراہ-13 پر سلّک ٹن علی سے توہنگام تک موبائل نیٹ ورک کے معیار کا جائزہ لیا

ٹیلی کام ریگولیٹری اتھارٹی آف انڈیا (ٹرائی) نے عام ٹیلی کام صارفین کی معلومات کے لیے ستمبر 2026 کے دوران شمال مشرقی ایل ایس اے کے تحت ضلع لوہت کے مختلف علاقوں اور قومی شاہراہ-13 پر سلّک-ٹن-علی سے توہنگام تک کیے گئے آزادانہ ڈرائیو ٹیسٹ (آئی ڈی ٹی) کے نتائج جاری کیے ہیں۔ اس ڈرائیو ٹیسٹ کا مقصد ٹیلی کام سروس فراہم کرنے والی کمپنیوں (ٹی ایس پیز) کی جانب سے فراہم کی جانے والی موبائل نیٹ ورک خدمات (آواز اور ڈیٹا دونوں) کے حقیقی وقت کے معیار کا جائزہ لینا اور اس کی تصدیق کرنا ہے۔ آئی ڈی ٹی کے دوران ٹرائی، خدمات کے معیار (کیو او ایس) سے متعلق اہم پیمانوں، مثلاً نیٹ ورک کی کوریج، کال ڈراپ کی شرح (سی ڈی آر)، کال کنکشن کی کامیابی کی شرح (سی ایس ایس آر)، ڈیٹا ڈاؤن لوڈ (ڈی ایل) اور اپ لوڈ (یو ایل) کی رفتار وغیرہ کے حوالے سے ٹیلی کام سروس فراہم کرنے والی کمپنیوں کی کارکردگی کا جائزہ لیتی ہے۔ اس کے بعد ان نتائج کو شائع کیا جاتا ہے تاکہ صارفین کو معلومات فراہم کی جا سکیں اور ٹیلی کام سروس فراہم کرنے والی کمپنیوں کو اپنی خدمات بہتر بنانے کی ترغیب دی جا سکے۔

ان آزادانہ ڈرائیو ٹیسٹوں کو اس طرح ترتیب دیا گیا ہے کہ شہروں، اہم مقامات، عوامی نقل و حمل کے مراکز وغیرہ جیسے مختلف ماحول میں تمام ٹیلی کام سروس فراہم کرنے والی کمپنیوں کے موبائل نیٹ ورک کی حقیقی زمینی کارکردگی کا جائزہ لیا جا سکے۔ اس نوعیت کی جانچ کے دوران تمام ٹیلی کام سروس فراہم کرنے والی کمپنیوں کے سم کارڈز استعمال کرتے ہوئے 2جی، 3جی، 4جی اور 5جی نیٹ ورکس پر آواز اور ڈیٹا کی براہِ راست خدمات کو جانچا جاتا ہے۔ اس مقصد کے لیے جدید ترین متعدد آزمائشی ہینڈ سیٹس استعمال کیے جاتے ہیں اور ان کے ذریعے انجام دیے جانے والے سیشنز کی نگرانی اور تجزیہ جدید سافٹ ویئر نظاموں کی مدد سے حقیقی وقت میں کیا جاتا ہے۔

ٹرائی نے اپنی مقرر کردہ ایجنسی کے ذریعے 7 ستمبر 2026 سے 10 ستمبر 2026 کے دوران شمال مشرقی ایل ایس اے میں ریاست اروناچل پردیش کے اندر شہر کے مختلف علاقوں میں 247.3 کلومیٹر، اہم مقامات پر 13 مقامات، پیدل جانچ کے تحت 1.2 کلومیٹر اور شاہراہ پر 154.8 کلومیٹر کے راستے پر ڈرائیو ٹیسٹ کیے۔ یہ جانچ ٹرائی کے علاقائی دفتر، کولکاتا کی نگرانی میں انجام دی گئی۔ ڈرائیو ٹیسٹ کی رپورٹوں میں پیش کیے گئے مشاہدات، جانچ کے دن اور وقت کے دوران متعلقہ علاقے یا راستے پر ٹیلی کام سروس فراہم کرنے والی کمپنیوں کی کارکردگی کی عکاسی کرتے ہیں۔

ڈرائیو ٹیسٹ کے راستوں کا نقشہ: درج ذیل نقشے میں علامات کی وضاحت کے مطابق شہر کے اندر ڈرائیو ٹیسٹ، مختلف آپریٹروں کے درمیان کالنگ، اہم مقامات، پیدل جانچ اور شاہراہ پر کیے گئے ٹیسٹوں کے راستوں کا مجموعی خاکہ پیش کیا گیا ہے۔

جانچ کے اہم پیمانے

1. نیٹ ورک کوریج میں کمی: ان نمونوں کا تناسب جن میں سگنل کی طاقت متعلقہ ٹیکنالوجی (2جی/3جی/4جی/5جی) کے لیے مقررہ کم از کم سطح سے کم پائی گئی۔
2. آواز کی خدمات: کال کنکشن کی کامیابی کی شرح (سی ایس ایس آر)، کال منقطع ہونے کی شرح (ڈی سی آر)، کال کنکشن قائم ہونے میں لگنے والا وقت، کال کے دوران خاموشی کی شرح اور آواز کا معیار (ایم او ایس)۔
3. کال کے دوران خاموشی کے واقعات: کال کے دوران پیش آنے والے خاموشی کے واقعات کی تعداد۔
4. ڈیٹا کی خدمات: ڈیٹا ڈاؤن لوڈ اور اپ لوڈ کی رفتار، تاخیر، ڈیٹا کی ترسیل میں اتار چڑھاؤ اور ڈیٹا پیکٹ ضائع ہونے کی شرح۔

شمال مشرقی ایل ایس اے کے تحت ضلع لوہت کے مختلف علاقوں اور قومی شاہراہ-13 پر سلّک-ٹن-علی سے توہنگام تک موبائل نیٹ ورک کی مجموعی کارکردگی کا اہم پیمانوں کی بنیاد پر خلاصہ ذیل میں پیش کیا گیا ہے:

(a نیٹ ورک کوریج میں کمی (شہر): شہر کے اندر ڈرائیو ٹیسٹ کے راستے پر آواز کی جانچ کے دوران خودکار انتخاب کے موڈ (5جی/4جی/3جی/2جی) میں ریکارڈ کی گئی سگنل کی طاقت کے مطابق، مجموعی طور پر جمع کیے گئے نمونوں میں سے کمزور سگنل والے نمونوں کی تعداد ایئرٹیل کے لیے 8393/37595، بی ایس این ایل کے لیے 13481/31483، آر جے آئی ایل کے لیے 10750/37912 اور وی آئی ایل کے لیے 13557/22487 رہی۔ نیٹ ورک کوریج میں کمی کی تفصیلات منسلک نقشے میں فراہم کی گئی ہیں۔

نیٹ ورک کوریج میں کمی (شاہراہ): شاہراہ کے راستے پر آواز کی جانچ کے دوران خودکار انتخاب کے موڈ (5جی/4جی/3جی/2جی) میں ریکارڈ کی گئی سگنل کی طاقت کے مطابق، مجموعی طور پر جمع کیے گئے نمونوں میں سے کمزور سگنل والے نمونوں کی تعداد ایئرٹیل کے لیے 3547/11149، بی ایس این ایل کے لیے 5962/9777، آر جے آئی ایل کے لیے 6217/15123 اور وی آئی ایل کے لیے 4965/6027 رہی۔ نیٹ ورک کوریج میں کمی کی تفصیلات منسلک نقشے میں فراہم کی گئی ہیں۔

b) کال منقطع ہونے کے واقعات (شہر): کامیابی کے ساتھ قائم ہونے والی کالز میں سے منقطع ہونے والی کالز کی تعداد کے لحاظ سے، ایئرٹیل کے لیے 12/271، بی ایس این ایل کے لیے 12/201، آر جے آئی ایل کے لیے 1/270 اور وی آئی ایل کے لیے 17/157 کالز منقطع ہوئیں۔ کال منقطع ہونے کے مقامات کی تفصیلات منسلک نقشے میں فراہم کی گئی ہیں۔

کال منقطع ہونے کے واقعات (شاہراہ): کامیابی کے ساتھ قائم ہونے والی کالز میں سے منقطع ہونے والی کالز کی تعداد کے لحاظ سے، ایئرٹیل کے لیے 12/62، بی ایس این ایل کے لیے 15/50، آر جے آئی ایل کے لیے 7/81 اور وی آئی ایل کے لیے 8/32 کالز منقطع ہوئیں۔ کال منقطع ہونے کے مقامات کی تفصیلات منسلک نقشے میں فراہم کی گئی ہیں۔

c) کال کے دوران خاموشی کے واقعات (شہر): قائم کی گئی مجموعی کالز میں سے ان کالز کی تعداد جن کے دوران 3 سیکنڈ سے زیادہ وقت تک خاموشی کے واقعات پیش آئے، ایئرٹیل کے لیے 8/245، بی ایس این ایل کے لیے 6/159، آر جے آئی ایل کے لیے 40/237 اور وی آئی ایل کے لیے 2/98 رہی۔ کال کے دوران خاموشی کے واقعات کے مقامات کی تفصیلات منسلک نقشے میں فراہم کی گئی ہیں۔

کال کے دوران خاموشی کے واقعات (شاہراہ): قائم کی گئی مجموعی کالز میں سے ان کالز کی تعداد جن کے دوران 3 سیکنڈ سے زیادہ وقت تک خاموشی کے واقعات پیش آئے، ایئرٹیل کے لیے 4/58، بی ایس این ایل کے لیے 1/31، آر جے آئی ایل کے لیے 14/43 اور وی آئی ایل کے لیے 0/8 رہی۔ کال کے دوران خاموشی کے واقعات کے مقامات کی تفصیلات منسلک نقشے میں فراہم کی گئی ہیں۔

d) ڈیٹا ڈاؤن لوڈ اور اپ لوڈ کی رفتار:

1. مجموعی طور پر ڈیٹا ڈاؤن لوڈ کی کارکردگی (شہر): اوسط ڈاؤن لوڈ رفتار ایئرٹیل (5جی/4جی) کے لیے 61.75 ایم بی پی ایس، بی ایس این ایل (4جی/2جی) کے لیے 2.27 ایم بی پی ایس، آر جے آئی ایل (5جی/4جی) کے لیے 103.49 ایم بی پی ایس اور وی آئی ایل (4جی/2جی) کے لیے 18.20 ایم بی پی ایس ریکارڈ کی گئی۔ ڈاؤن لوڈ کی رفتار سے متعلق تفصیلات منسلک نقشے میں فراہم کی گئی ہیں۔

مجموعی طور پر ڈیٹا ڈاؤن لوڈ کی کارکردگی (شاہراہ): اوسط ڈاؤن لوڈ رفتار ایئرٹیل (5جی/4جی) کے لیے 61.33 ایم بی پی ایس، بی ایس این ایل (4جی/2جی) کے لیے 2.34 ایم بی پی ایس، آر جے آئی ایل (5جی/4جی) کے لیے 85.84 ایم بی پی ایس اور وی آئی ایل (4جی/2جی) کے لیے 32.99 ایم بی پی ایس ریکارڈ کی گئی۔ ڈاؤن لوڈ کی رفتار سے متعلق تفصیلات منسلک نقشے میں فراہم کی گئی ہیں۔

2. مجموعی طور پر ڈیٹا اپ لوڈ کی کارکردگی (شہر): اوسط اپ لوڈ رفتار ایئرٹیل (5جی/4جی) کے لیے 12.40 ایم بی پی ایس، بی ایس این ایل (4جی/2جی) کے لیے 3.06 ایم بی پی ایس، آر جے آئی ایل (5جی/4جی) کے لیے 7.08 ایم بی پی ایس اور وی آئی ایل (4جی/2جی) کے لیے 4.84 ایم بی پی ایس ریکارڈ کی گئی۔ اپ لوڈ کی رفتار سے متعلق تفصیلات منسلک نقشے میں فراہم کی گئی ہیں۔

مجموعی طور پر ڈیٹا اپ لوڈ کی کارکردگی (شاہراہ): اوسط اپ لوڈ رفتار ایئرٹیل (5جی/4جی) کے لیے 11.65 ایم بی پی ایس، بی ایس این ایل (4جی/2جی) کے لیے 2.29 ایم بی پی ایس، آر جے آئی ایل (5جی/4جی) کے لیے 5.02 ایم بی پی ایس اور وی آئی ایل (4جی/2جی) کے لیے 7.05 ایم بی پی ایس ریکارڈ کی گئی۔ اپ لوڈ کی رفتار سے متعلق تفصیلات منسلک نقشے میں فراہم کی گئی ہیں۔

کال منقطع ہونے اور کال کے دوران خاموشی کے واقعات کے مقامات منسلک نقشے پر سرخ نقطے پر کلک کرکے دیکھے جا سکتے ہیں۔

آئی ڈی ٹی کے دوران ڈرائیو ٹیسٹ کے راستوں اور احاطہ کیے گئے علاقوں کی تفصیلات درج ذیل ہیں:

a) شہر: شہر کے اندر ڈرائیو ٹیسٹ کے دوران جن علاقوں کا احاطہ کیا گیا، ان میں (i) سنپورہ، (ii) نیو ہاٹی ڈوبا، (iii) چونگکھام، (iv) کھیرم، (v) میڈو، (vi) لاملیانگ، (vii) برہما کنڈ، (viii) ہوا کیمپ، (ix) ڈیموے، (x) ٹیلولیانگ نیو، (xi) لوئی لیانگ، (xii) لوہت پور، (xiii) 43واں میل اور (xiv) تیجو گام شامل ہیں۔

2. اہم مقامات: ان مقامات پر ٹھہر کر صارفین کے تجربے کا جائزہ لیا گیا: (i) اے ڈی سی دفتر، دمبوک آگا، دمبوک، (ii) دمبوک گورنمنٹ ہائر سیکنڈری اسکول، دمبوک، (iii) دمبوک پرائمری ہیلتھ سینٹر، دمبوک، (iv) ڈپٹی کمشنر کا دفتر، تیجو، (v) ضلع و سیشن عدالت، تیجو، (vi) ضلعی عجائب گھر اور کمیونٹی کنونشن سینٹر، جوبلی مارگ، تیجو، (vii) گورنمنٹ ہائر سیکنڈری اسکول، قومی شاہراہ-13، تیجو، (viii) اندرا گاندھی گورنمنٹ کالج، گیس ایجنسی روڈ، تیجو، (ix) پرشورام کنڈ، (x) پولیس اسٹیشن، واکرو، (xi) پالی ٹیکنک کالج، روئنگ، (xii) سنپورہ انتظامی/پنچایت علاقہ، جیکو اور (xiii) تیجو مین بازار/کلاک ٹاور۔

3. پیدل جانچ: 10 ستمبر 2026 کو پیدل جانچ جن مقامات پر کی گئی، ان میں (i) ڈیننگ کالج فار ٹیچر ایجوکیشن، تیجو اور (ii) زونل جنرل اسپتال، تیجو شامل ہیں۔

d) شاہراہ: (i) قومی شاہراہ-13 پر سلّک سے ہوتے ہوئے سلّک-ٹن-علی سے توہنگام تک، (ii) دمبوک، (iii) بومجیر، (iv) روئنگ، (v) ابالی، (vi) ابونگو، (vii) کورونو، (viii) بھشماک نگر، (ix) ڈانگلٹ اور (x) ٹیلولیانگ نیو اور (xi) ڈیموے کے راستے کا احاطہ کیا گیا۔

اس آئی ڈی ٹی رپورٹ کے نتائج متعلقہ ٹیلی کام سروس فراہم کرنے والی کمپنیوں (ٹی ایس پیز) کے ساتھ مزید ضروری کارروائی کے لیے مشترک کیے گئے ہیں۔ آئی ڈی ٹی کی تفصیلی رپورٹیں ٹرائی کی ویب سائٹ www.trai.gov.in پر دستیاب ہیں۔ کسی وضاحت یا مزید معلومات کے لیے adv.kolkata@trai.gov.in پر ای میل بھیجی جا سکتی ہے یا کولکاتا میں ٹرائی کے علاقائی دفتر سے ٹیلی فون نمبر +91-33-22361401پر رابطہ کیا جا سکتا ہے۔

[ضمیمہ دیکھنے کے لیے یہاں کلک کریں]

*****

ش ح۔ا ک۔ف ر

U- 7282