دیوالی کے موقع پر صدرِ جمہوریہ ہند کی جانب سے مبارک باد

صدرِ جمہوریہ ہند محترمہ دروپدی مرمو نے دیوالی کے موقع پر ملک اور بیرونِ ملک مقیم تمام ہندوستانیوں کو مبارک باد اور نیک تمنائیں پیش کی ہیں۔

اپنے پیغام میں صدرِ جمہوریہ نے کہا’’:دیوالی کے اس مبارک موقع پر میں ہندوستان اور بیرونِ ملک مقیم تمام ہندوستانیوں کو دلی مبارک باد اور نیک تمنائیں پیش کرتی ہوں۔

بھگوان شری رام کی راون پر فتح کے بعد ایودھیا واپسی کی خوشی میں دیوالی کا تہوار منایا گیا۔ بھگوان شری رام نے روشنی سے جگمگاتی ہوئی چراغوں کی خوبصورت قطاریں دیکھیں۔ یہی دیوالی کی تہذیبی اور مذہبی اہمیت ہے۔ یہ تہوار رام راجیہ کے مبارک آغاز کی علامت بھی ہے۔

دیوالی کا تہوار نیکی کی برائی پر اور اچھائی کی منفی رجحانات پر فتح کی علامت ہے۔ یہ دکھوں کے خاتمے اور خوشیوں و خوشحالی سے بھرپور زندگی کے آغاز کا پیغام بھی دیتا ہے۔اس موقع پر لوگ نیک شروعات اور فلاح و بہبود کے لیے بھگوان گنیش اور خوشحالی کے لیے ماں مہالکشمی کی پوجا کرتے ہیں۔ اس کے ساتھ سب کی خوشی اور بھلائی کے لیے دعائیں بھی کی جاتی ہیں۔

میں اپنے ملک کے ہر شہری کے لیے اچھی صحت، خوشی اور خوشحالی کی دعا کرتی ہوں۔ دعا ہے کہ ہم ماحول کا تحفظ کریں، باہمی ہم آہنگی کے ساتھ زندگی گزاریں اور ہندوستانی اقدار سے رہنمائی حاصل کرنے والے ہمارے محبِ وطن نوجوان وکست بھارت کی تعمیر میں جوش و جذبے کے ساتھ اپنا کردار ادا کریں۔‘‘

********

ش ح-ا ع خ    ۔ر  ا

U-No- 7381