وزارتِ ریلوے نے بھگوان برسا منڈا کو گلہائے عقیدت پیش کرکے جن جاتیہ گورو دِیوس منایا

وزارتِ ریلوے نے آج نئی دہلی کے ریل بھون میں دیپ روشن  کرکے اور عظیم قبائلی مجاہدِ آزادی اور قابلِ احترام قومی ہیرو بھگوان برسا منڈا کو گلہائے عقیدت پیش کرکے جن جاتیہ گورو دیوس منایا۔

تقریب میں موجود معزز شخصیات نے بھگوان برسا منڈا کو خراجِ عقیدت پیش کیا اور جدوجہدِ آزادی میں ان کی غیر معمولی خدمات اور برطانوی نوآبادیاتی حکومت کے خلاف ان کی جرأت مندانہ مزاحمت کو یاد کیا۔ انہوں نے قبائلی برادریوں کے حقوق، وقار اور فلاح و بہبود کے تحفظ کے لیے ان کے غیر متزلزل عزم کو بھی یاد کیا۔

جن جاتیہ گورو دیوس کا انعقاد قبائلی مجاہدینِ آزادی کی گراں قدر خدمات کی یاد تازہ کرتا ہے اور قومی فخر، اتحاد اور بھارت کے مالا مال قبائلی ورثے کے احترام کے جذبے کو مزید مستحکم بناتا ہے۔

اس پروگرام کا اختتام بھگوان برسا منڈا کے نظریات، جرأت اور ان کی لازوال میراث کو اجتماعی خراجِ عقیدت پیش کرنے کے ساتھ ہوا۔

اس تقریب میں ریلوے بورڈ کے ممبر (ٹی آر ایس)، ممبر (فائنانس) اور ممبر (انفرا) نے شرکت کی۔ اس موقع پر ڈائریکٹر جنرل (ڈی جیز)، سکریٹری، ریلوے بورڈ کے علاوہ وزارتِ ریلوے کے دیگر سینئر افسران اور عملہ بھی موجود تھا۔

****

 (ش ح ۔رک)

U. No.7604