کچھ سفر مناظر کو عبور کرتے ہیں، جب کہ دیگر یادداشت، شناخت اور تعلق کی پیچیدگیوں سے گزرتے ہیں۔ تاریخ اور گہرے ذاتی تعلقات کو یکجا کرتے ہوئے، معروف پولش فلم ساز پاول پاولیکووسکی کی ہدایت کاری میں بننے والی فلم فادرلینڈ (اوجیزنا) کو 57ویں انٹرنیشنل فلم فیسٹیول آف انڈیا (اِفی) کی افتتاحی فلم کے طور پر منتخب کیا گیا ہے، جو گوا میں نو دنوں کی سنیما کی تقریباًت کے لیے ماحول تیار کرے گی۔
1949 کے موسم گرما میں، سرد جنگ کے عروج پر، فادرلینڈ نوبل انعام یافتہ جرمن مصنف تھامس مان کی بیٹی ایریکا، جو ایک اداکارہ، مصنفہ اور ریلی ڈرائیور ہیں، کے درمیان تعلقات کو تلاش کرتی ہے۔ ریاستہائے متحدہ میں سولہ سال کی جلاوطنی کے بعد جرمنی واپس آکر، تھامس مان اپنی بیٹی کے ساتھ ایک سیاہ بوئک میں ایک چیلنجنگ روڈ ٹرپ پر نکلتے ہیں۔ ان کا سفر انھیں جنگ سے تباہ شدہ ملک میں، امریکہ کے زیرِ تسلط فرینکفرٹ سے سوویت کنٹرول والے ویمار تک لے جاتا ہے۔
جب باپ اور بیٹی ایک منقسم جرمنی سے گزرتے ہیں، تو انھیں تنازع سے بکھری ہوئی قوم کے ظاہری زخموں سے زیادہ کچھ ملتا ہے۔ ان کا سفر انھیں اپنے ہی خاندان کے اندر گہری تقسیم کا سامنا بھی کرواتا ہے۔ اس جذباتی طور پر تہہ دار بیانیے کے ذریعے، فلم ذاتی تعلقات، تاریخ اور گھر کے تصور کے تقاطع کو تلاش کرتی ہے۔
سینڈرا ہولر اور ہینس زیشلر کے مرکزی کرداروں کے ساتھ، 82 منٹ کا یہ ڈراما پولینڈ، جرمنی، اٹلی اور فرانس پر مشتمل ایک مشترکہ پروڈکشن ہے۔ سیاہ اور سفید میں پیش کی گئی یہ فلم 57ویں اِفی میں اپنا بھارت پریمیئر کرے گی۔
فادرلینڈ ہدایت کار پاول پاولیکووسکی کی تاریخ اور انسانی تعلقات کی تلاش کو ایک یورپی تاریخ کے ایک اہم لمحے کے پس منظر میں ایک گہرے بیانیے کے ذریعے جاری رکھتی ہے۔ یہ فلم 2026 میں کینز، سان سیباسٹین اور ٹیلورائیڈ سمیت بڑے بین الاقوامی فیسٹیولز میں پہلے ہی سفر کر چکی ہے، جس نے پاولیکووسکی کو کینز میں بہترین ہدایت کار کا ایوارڈ دلوایا ہے۔
فادرلینڈ کے ساتھ، 57ویں اِفی ان کہانیوں کے ذریعے اپنا سفر شروع کرتا ہے جو جغرافیائی اور ثقافتی حدود سے ماورا ہیں۔ چوں کہ سنیما مختلف دنیاؤں اور نقطہ نظر کو یکجا کرتا ہے، افتتاحی فلم اس سال کے تھیم، ’کہانیاں بغیر سرحدوں کے‘ کے لیے ایک مناسب آغاز پیش کرتی ہے۔
***
(ش ح - ع ا)
U.No. 7660