ନୂଆଦିଲ୍ଲୀରେ ଆଜି ଅନୁଷ୍ଠିତ ହେଉଥିବା ‘ପୁଲିସ ସଞ୍ଚାର ବ୍ୟବସ୍ଥାର ଆଧୁନିକୀକରଣ ଏବଂ ଆହ୍ୱାନ’ ଶୀର୍ଷକରେ ପୁଲିସ ସଞ୍ଚାର ବ୍ୟବସ୍ଥା ମୁଖ୍ୟଙ୍କ ସର୍ବଭାରତୀୟ ସମ୍ମିଳନୀକୁ କେନ୍ଦ୍ର ସଞ୍ଚାର ଓ ରେଳ ରାଷ୍ଟ୍ର (ସ୍ୱାଧୀନ) ମନ୍ତ୍ରୀ ଶ୍ରୀ ମନୋଜ ସିହ୍ନା ଉଦଘାଟନ କରିଛନ୍ତି । ଏହି ଅବସରରେ ଶ୍ରୀ ମନୋଜ ସିହ୍ନା ସମ୍ମିଳନୀ ଆୟୋଜନ କରିଥିବାରୁ ଡିରେକ୍ଟୋରେଟ ଅଫ କୋର୍ଡିନେସନ ପୁଲିସ ୱେରଲେସ୍ (DCPW)କୁ ସେ ଅଭିନନ୍ଦନ ଜଣାଇବା ସହ ଦେଶର ବରିଷ୍ଠ ପୁଲିସ ଅଧିକାରୀମାନଙ୍କ ମଧ୍ୟରେ ଉପସ୍ଥିତ ଥିବାରୁ ଖୁସି ପ୍ରକାଶ କରିଥିଲେ । ପୁଲିସ ବିଭାଗରେ ସଫଳତାର ସହ ସଞ୍ଚାର ବ୍ୟବସ୍ଥାକୁ କାର୍ଯ୍ୟକାରୀ କରିବାରେ ନୋଡାଲ ଏଜେନ୍ସି ଭୂମିକା ନିଭାଉଥିବା ଡିସିପିଡବ୍ଲ୍ୟୁକୁ ସେ ପ୍ରଶଂସା କରିଥିଲେ । ସମସ୍ତ ରାଜ୍ୟ, କେନ୍ଦ୍ରଶାସିତ ଅଞ୍ଚଳ ଏବଂ ଅର୍ଦ୍ଧ ସାମରିକ ବଳଗୁଡ଼ିକୁ ଗୋଟିଏ ନେଟୱର୍କରେ ରଖିବାକୁ ଡିସିପିଡବ୍ଲ୍ୟୁ ଏକ ଜାତୀୟ ସ୍ତର ନେଟୱର୍କ ପରିଚାଳନା କରୁଥିବା ଜାଣି ସେ ସନ୍ତୋଷ ପ୍ରକାଶ କରିଥିଲେ ।

ଡିସିପିଡବ୍ଲ୍ୟୁ ନିର୍ଦ୍ଦେଶକ ଆନନ୍ଦ ସ୍ୱରୂପ ମନ୍ତ୍ରୀଙ୍କୁ ସ୍ୱାଗତ କରିବା ସହ ସମ୍ମିଳନୀରେ ଉପସ୍ଥିତ ଥିବାରୁ ଅତିଥି ଓ ସଦସ୍ୟମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।

ଏହି ଦୁଇ ଦିନିଆ ସମ୍ମିଳନୀର ଶୀର୍ଷକ ରହିଛି ‘ପୁଲିସ ସଞ୍ଚାର ବ୍ୟବସ୍ଥାର ଆଧୁନିକୀକରଣ ଏବଂ ସୃଷ୍ଟି ହେଉଥିବା ଆହ୍ୱାନ’ । ସଞ୍ଚାର ବ୍ୟବସ୍ଥା ପରିଚାଳନା ଏବଂ ଏହାର ଆଧୁନିକୀକରଣ ଦିଗରେ ଥିବା ବିଭିନ୍ନ ସମସ୍ୟାର ପାଇଁ ସବୁ ପକ୍ଷଙ୍କୁ ଗୋଟିଏ ପ୍ଲାଟଫର୍ମରେ ଏକାଠି କରିବା ସମ୍ମିଳନୀର ମୁଖ୍ୟ ଲକ୍ଷ୍ୟ । ବ୍ୟବସାୟୀମାନଙ୍କୁ ମେକ୍ ଅପ୍ ଇଣ୍ଡିଆ ଏବଂ ଷ୍ଟାର୍ଟଅପ୍ ଦକ୍ଷତା ଓ ଅଭିଜ୍ଞତା ପ୍ରଦର୍ଶନ କରିବା ପାଇଁ ମଧ୍ୟ ଏହି ପ୍ଲାଟଫର୍ମ ସହାୟକ ହୋଇଛି ।

ଶ୍ରମ ଓ ନିଯୁକ୍ତି ରାଷ୍ଟ୍ର (ସ୍ୱାଧୀନ) ମନ୍ତ୍ରୀ ଶ୍ରୀ ସନ୍ତୋଷ ଗଙ୍ଗୱାର ଆସନ୍ତାକାଲି ଉଦଯାପନୀ ଦିବସରେ ସମ୍ମିଳନୀରେ ଉଦବୋଧନ ଦେବେ । ପୁଲିସ ସଞ୍ଚାର ବ୍ୟବସ୍ଥାରେ ଆଧୁନିକୀକରଣ ପ୍ରକ୍ରିୟା ତଥା ଅନ୍ୟାନ୍ୟ ବିଭାଗର ଉଲ୍ଲେଖନୀୟ କାର୍ଯ୍ୟ କରିଥିବା ଅଫିସରମାନଙ୍କୁ ମଧ୍ୟ ଏହି ଅବସରରେ ଟ୍ରଫି ଓ ପୁରସ୍କାର ପ୍ରଦାନ କରାଯିବ ।

***********