Press Information Bureau

Economy

کاروبار کی آسانی ، ترقی میں تقویت

تعارف

پچھلے 11 سالوں کے دوران، ہندوستان نے ایک خاموش انقلاب کا سفر طے کیا ہے، جو سرخ فیتے والی معیشت سے سرمایہ کاروں اور کاروباریوں کے استقبال کے مرکز میں تبدیل ہو گیا ہے۔ وزیر اعظم کی دور اندیش قیادت میں، حکومت ہند نے فرسودہ ضوابط کو منظم طریقے سے ختم کیا ہے، تعمیل کے طریق کار کو ہموار کیا ہے اور شفافیت اور اعتماد پر مبنی حکمرانی کے نئے دور کا آغاز کیا ہے۔ آج، ہندوستان نہ صرف دنیا کی سب سے تیزی سے ترقی کرنے والی بڑی معیشت ہے، بلکہ تیسرا سب سے بڑا اسٹارٹ اپ ایکو سسٹم بھی ہے، جو جدت طرازی کا عالمی مرکز ہے اور سرمایہ کاری کا پسندیدہ مرکز بھی ہے۔ یہ حصولیابیاں اتفاقی نہیں ہیں، یہ جرات مندانہ بنیادی اصلاحات، ڈیجیٹائزیشن اور انٹرپرائز کے لائف سائیکل کے ہر مرحلے میں،آغاز سے اختتامی مرحلے تک، کاروبار کرنے کی سہولت کو بہتر بنانے کے لیے انتھک عزم کا نتیجہ ہیں۔ ہندوستان نے عالمی سرمایہ کاروں کی توجہ حاصل کی ہے اور ہندوستان اسٹارٹ اپ اور اختراعی مرکز کے طور پر مسلسل پیش قدمی کررہا ہے۔

ٹیکس اصلاحات کے ذریعے اسٹارٹ اپ اور اختراع پسندی کو تقویت

بلا رکاوٹ ٹیکس سسٹم: وزیر اعظم نے اگست 2020 میں، ’’شفاف ٹیکس- ایماندار وں کا اعزاز ‘‘ کے لیے  پلیٹ فارم کا آغاز کیا۔ اسے 21ویں صدی کے ٹیکس سسٹم کی ضروریات کو پورا کرنے کے لیے شروع کیا گیا تھا۔ نئے پلیٹ فارم کا مقصد فیس لیس ہونے کے علاوہ ٹیکس دہندگان کے اعتماد کو بڑھانا اور اسے بے خوف بنانا تھا۔[1]

اینجل ٹیکس کا خاتمہ: جولائی 2024 میں سرمایہ کاروں کے تمام طبقوں کے لیے ’اینجل ٹیکس‘ کو ختم کردیا گیا ہے۔ اس اقدام کا مقصد ہندوستانی اسٹارٹ اپ ماحولیاتی نظام کو تقویت دینا، کاروباری رجحان کو فروغ دینا اور جدت طرازی کی حمایت کرنا تھا۔ مزید برآں، غیر ملکی کمپنیوں پر کارپوریٹ ٹیکس کی شرح کم کر کے 35 فیصد کر دی گئی۔[2]

جی ایس ٹی (گڈز اینڈ سروسز ٹیکس): جی ایس ٹی کو بکھرے ہوئے اور پیچیدہ بالواسطہ ٹیکس  کےنظام کی جگہ پر لایا گیا ہے جو کاروبار اور صارفین پر یکساں بوجھ کی مانند تھا۔ جی ایس ٹی کے نفاذ سے پہلے، ٹیکس کا فریم ورک متعدد محصولات پر مشتمل تھا جیسے ایکسائز ڈیوٹی، سروس ٹیکس، وی اے ٹی، سی ایس ٹی اور دیگر، جن میں سے ہر ایک کی تعمیل کے چیلنجز اور خامیاں ہیں۔ ٹیکس کے زمروں کی اس کثرت سے نہ صرف کاروبار کرنے کی لاگت میں اضافہ ہوا بلکہ ٹیکس کی رکاوٹوں کی وجہ سے مصنوعات کی ہموار بین ریاستی نقل و حمل میں بھی رکاوٹ پیدا ہوئی۔

جی ایس ٹی کے ذریعے ہندوستان کے ٹیکس نظام کو یکساں  کیا گیا،جس سے واحد بازار کا تصور ہوا جس سے بین ریاستی رکاوٹوں کا ازالہ کردیا گیا اور آپریشنل کارکردگی  بہتر ہوئی۔ اس سے کاروباری اداروں کو سپلائی چین میں ان پٹ ٹیکس کریڈٹ کا دعویٰ کرنے کی اجازت دے کر، ٹیکس کے مجموعی بوجھ کو کم کر کے اور تعمیل کو آسان بنا کر ٹیکس کی پیچیدگی کو ختم کیا گیا۔ ان اصلاحات کے ذریعے شرحوں کو معقول بناکر اور طریقۂ کار کو معیاری بنا کر شفافیت، جوابدہی اور معاشی نمو میں بھی بہتری کی گئی۔

ہندوستان کے کاروباری منظر نامے کا کایاپلٹ

2014 کے بعد سے حکومت خطرہ مول لینے والوں کے راستے میں رکاوٹ نہیں بلکہ ایک فعال سہل کار کی حیثیت سے کام کررہی ہے۔ ہندوستان میں کاروباری افراداور سرمایہ کار اب کاروبار کے لیے سازگار ماحول اور  ایسی حکومت سے خوش ہیں جو ان کے خدشات کو سرگرمی سے دور کرتی ہے اور شکایات کا ازالہ کرتی ہے۔ یہ مثالی تبدیلی تاریخی فیصلوں کے ذریعے ممکن ہوئی ہے جیسے کہ سابقہ ​​ٹیکس سسٹم کو ہٹانا اور اینجل ٹیکس کا خاتمہ اور کارپوریٹ ٹیکس کو کم کرنا۔ نیشنل سنگل ونڈو سسٹم میں اب ایک پلیٹ فارم کے ذریعے تمام منظوریاں حاصل کرنے کی اجازت ملتی ہے۔ مزید یہ کہ حکومت نے 1,500 سے زیادہ قدیم ضوابط اور ہزاروں قسم کی تعمیلات کو منسوخ کرکے غیر ضروری تعمیل کے بوجھ کو کم کیا ہے۔ یہ ہندوستانی کاروباری اداروں کے لیے غیر ضروری اخراجات اور رکاوٹیں پیدا کرتے تھے۔

 نیشنل سنگل ونڈو سسٹم (این ایس ڈبلیو ایس) ایک ڈیجیٹل پلیٹ فارم ہے جو کاروباری  اداروں کو اپنی مخصوص ضروریات کی بنیاد پر ضروری منظوریوں کی شناخت کرنے اور درخواست دینے میں مدد کرنے کے لیے ڈیزائن کیا گیا ہے۔’’اپنی منظوریوں کو جانیں‘‘ (کے وائی اے) ماڈیول سے 32 مرکزی محکموں اور 34 ریاستوں میں منظوریوں کے حصول کے لئے رہنمائی فراہم ہوتی ہے۔این ایس ڈبلیو ایس پورٹل کے ذریعے 32 مرکزی محکموں اور 29 ریاستی حکومتوں کی منظوری کے لیے درخواستیں جمع کرانے کی سہولت بھی فراہم ہوتی ہے۔[4]

ایس پی آئی سی ای+ فارم: حکومت ہند کی کاروبار کرنے میں آسانی (ای او ڈی بی)پہل کے تحت کارپوریٹ امور کی وزارت نے 2020 میں ’’ایس پی آئی سی ای+ ‘نام سے ایک نیا ویب پر مبنی فارم متعارف کرایا،جس نے پہلے کے ایس پی آئی سی ای فارم کی جگہ لی۔ایس پی آئی سی ای+تین  مرکزی وزارتوں اور محکموں -کارپوریٹ امور کی وزارت، وزارت محنت اور وزارت خزانہ کے تحت محکمہ محصولات کے ساتھ ساتھ ریاست مہاراشٹر کی حکومت کی طرف سے پیش کی جانے والی 10مربوط خدمات پیش کرتا ہے۔ یہ مربوط پلیٹ فارم ہندوستان میں کاروبار شروع کرنے سے منسلک طریقہ کار، وقت اور اخراجات کو نمایاں طور پر کم کرتا ہے اور تمام نئی کمپنی کے اداروں کے لیے لازمی ہے۔[5]

سرحد پار تجارت کی زیادہ تیز سہولت کے لیےآئس گیٹ کا بڑھتا ہوا استعمال: انڈین کسٹمز الیکٹرانک ڈیٹا انٹرچینج (ای ڈی آئی) گیٹ وے، جسے آئس گیٹ کے نام سے جانا جاتا ہے، 2007 میں قائم کیا گیا تھا۔ یہ ہندوستانی کسٹمز اور تجارتی برادری کے درمیان تمام الیکٹرانک بات چیت کے لیے مرکزی سینٹر کے طور پر کام کرتا ہے۔ آئیس گیٹ متعدد خدمات پیش کرتا ہے جس میں ای فائلنگ، آن لائن ترمیم جمع کروانا، آن لائن ڈیوٹی کی ادائیگی، سوالات کا تصفیہ اور مربوط اشیاء اور صرف تاجروں کے لیے خدمات ٹیکس (آئی جی ایس ٹی) ریفنڈ پروسیسنگ شامل ہے۔[6]

ریگولیٹری اور قانونی آسانیاں

1,500 سے زیادہ قدیم قوانین کو منسوخ کرنا۔

مرکزی اور ریاستی حکومتوں میں45,051 تعمیل کے بوجھ کو ختم کیا گیا۔

کمپنیز ایکٹ کے تحت 81 میں سے 50 کو قابل تعزیر جرم قرار دینا۔

جن وشواس ایکٹ، 2023 کا نفاذ: 42 قوانین میں 183 دفعات کی تعزیریت کو ختم کرنا۔

صنعت اور داخلی تجارت کے فروغ کا محکمہ (ڈی پی آئی آئی ٹی) ملک میں کاروبار کرنے میں آسانیکرنے کے لیے جن وشواس 2.0 بل لانے کے لیے حکومت کے مختلف محکموں کے تقریبا 100 قواعد و ضوابط پر کام کر رہا ہے ۔[9]

حکومت نے چار لیبرقوانین نافذ کیے ہیں ، یعنی: بھتے سے متعلق قانون ، 2019 ؛ صنعتی تعلقات سے متعلق قانون ، 2020 (آئی آر کوڈ) سماجی تحفظ سے متعلق قانون، 2020 (ایس ایس کوڈ) اور پیشہ ورانہ حفاظت ، صحت اور کام کرنے کے حالات سے متعل قانون، 2020 (او ایس ایچ کوڈ) ۔[10]

دیوالیہ پن اور دیوالیہ پن قانون ، 2016 (آئی بی سی):اس قانون کا مقصد اثاثوں کی قیمت کو زیادہ سے زیادہ کرنے کے لیے کارپوریٹ افراد، شراکت داری فرموں اور افراد کی تنظیم نو، دیوالیہ پن کے حل اور لیکویڈیشن کے لیے ایک مربوط فریم ورک فراہم کرنا ہے۔ مزید برآں، آئی بی سی نے ملک کے بینکنگ سیکٹر کی صحت پر نمایاں اثر ڈالا ہے اور مقروض اورقرض دہندہ کے تعلقات کی نئیتوضیح کی ہے ۔

بنیادی ڈھانچے اور لاجسٹکس میں بہتری

پی ایم گتی شکتی ، ایک ڈیجیٹل پلیٹ فارم ہے ، جو ریلوے اور روڈ ویز سمیت مختلف وزارتوں کو یکجا کرنے کے لیے ڈیزائن کیا گیا ہے، تاکہ بنیادی ڈھانچے کے منصوبوں کی مربوط منصوبہ بندی اور اس پر مربوط عمل درآمد کو یقینی بنایا جا سکے۔ اس پہل کا مقصد نقل و حمل کے مختلف طریقوں میں لوگوں، سامان اور خدمات کی نقل و حرکت کے لیے ہموار اور موثر رابطہ فراہم کرنا اور اس طرح آخری میل تک رابطے کو بڑھانا اور سفر کے وقت کو کم کرنا ہے۔[11]

پی ایم گتی شکتی این ایم پی کی تکمیل کے لیے، 17 ستمبر 2022 کو نیشنل لاجسٹک پالیسی (این ایل پی) شروع کی گئی تھی۔ پی ایم گتی شکتی این ایم پی فکسڈ بنیادی ڈھانچےاور نیٹ ورک پلاننگ کی مربوط ترقی پر توجہ دیتی ہے،جبکہ این ایل پی سافٹ انفراسٹرکچر اور لاجسٹک سیکٹر کی ترقی کے پہلو پر توجہ دیتی ہے، جس میں عمل کی اصلاحات، لاجسٹک خدمات میں بہتری، ڈیجیٹائزیشن ، انسانی وسائل کی ترقی اور ہنر مندی شامل ہیں۔ قومی لاجسٹک پالیسی 2022 کا مقصد ملک میں تیز تر اور شمولیاتی ترقی کے لیے تکنیکی طور پر قابل، مربوط، کفایتی،لچیلا ، پائیدار اور قابل اعتماد لاجسٹک ماحولیاتی نظام تیار کرنا ہے۔[12]

لاجسٹک پرفارمنس انڈیکس ایک انٹرایکٹو بینچ مارکنگ ٹول ہے جو ممالک کو تجارتی لاجسٹکس پر اپنی کارکردگی میں درپیش چیلنجوں اور مواقع کی نشاندہی کرنے میں مدد کرتا ہے اور کارکردگی کو بہتر بنانے کے سلسلے میں مدد کرتا ہے ۔ [13]عالمی سطح پر ، ہندوستان نے اشاریے میں اپنی پوزیشن کو 16 درجے بہتر کیا جو 2020 میں 54 سے بڑھ کر 2023 میں 38 ہو گیا۔

ترقی کی نئی تعریف: ہندوستان کا اسٹارٹ اپ بوم

100سے زیادہیونیکورنز کی مدد سے ملک کا کاروباری منظر نامہ اختراع کی نئی تعریف پیش کر رہا ہے اور تمام شعبوں میں نئے مواقع پیدا کر رہا ہے۔ بنگلورو، حیدرآباد، ممبئی اور دہلی-این سی آر جیسے بڑے مراکز اس کایا پلٹ میں سب سے آگے رہے ہیں، جبکہ چھوٹے شہر تیزی سے اس رفتار میں حصہ ڈال رہے ہیں جس میں 51 فیصد سے زیادہ اسٹارٹ اپ ٹیئر II/III شہروں سے ابھر رہے ہیں۔ اسٹارٹ اپ انڈیا جیسے اقدامات کے ذریعے حکومت نے اس ترقی کو فروغ دینے اور کاروباریوں کی اگلی نسل کو بااختیار بنانے میں اہم کردار ادا کیا ہے۔[14]

اختراع کے اشاریے میں پیش رفت

ایم ایس ایم ای  لینڈ اسکیپ کو آسانی اور کارکردگی  میں تبدیل کرنا

گورنمنٹ ای مارکیٹ پلیس(جی ای ایم) مختلف سرکاری محکموں/تنظیموں/پی ایس یو کو درکار عام استعمال کے سامان اور خدمات کی آن لائن خریداری کی سہولت فراہم کرتا ہے۔ جی ای ایم کا مقصد عوامی خریداری میں شفافیت، کارکردگی اور رفتار کو بڑھانا ہے۔ یہ سرکاری صارفین کو سہولت فراہم کرنے، ان کے پیسے کی بہترین قیمت حاصل کرنے کے لیے ای-بولی، ریورس ای-آکشن اور ڈیمانڈ ایگریگیشن کے ٹولز فراہم کرتا ہے۔

ماخذ:جی ای ایم ویب سائٹ

ایک ضلع، ایک پیداوار

او ڈی او پی پہل ہندوستان بھر کے 773 اضلاع سے 1,240 منفرد مصنوعات کو نمایاں کرکے متوازن علاقائی ترقی کو فروغ دیتا ہے۔ گورنمنٹ ای-مارکیٹ پلیس (جی ای ایم) بازار میں 500 سے زیادہ زمروں کے ساتھ، او ڈی او پی مقامی معیشتوں کو بڑھاتا ہے، دیہی صنعت کاری کو فروغ دیتا ہے، اور عوامی خریداری کو آگے بڑھاتا ہے۔ 2020 میں شروع کی گئی  اس پہل نے کاریگروں اور چھوٹے کاروباروں کو بااختیار بنایا ہے، جس نے ہندوستان کے آتم نربھر بھارت مشن میں نمایاں رول ادا کیا ہے۔

ہندوستان میں ایم ایس ایم ای کے لیے کچھ بڑی اسکیمیں اس طرح  ہیں:

ہندوستان میں سرمایہ کاری کے منظر نامے کو تبدیل کرنا

ہندوستان کی سرمایہ کاروں کے لیے دوستانہ اصلاحات اور بہتر کاروباری ماحول نے اسے عالمی سرمایہ کاری کا ایک اعلیٰ مقام بنا دیا ہے۔ اس کے ساتھ، ہندوستان نے اپنے اقتصادی سفر میں ایک قابل ذکر سنگ میل حاصل کیا ہے، جس میں مجموعی غیر ملکی براہ راست سرمایہ کاری (ایف ڈی آئی) اپریل 2000 (دسمبر 2024 تک) سے متاثر کن 1 ٹریلین ڈالر تک پہنچ گئی ہے۔ سرمایہ کاری کا یہ مضبوط بہاؤ عالمی اقتصادی منظر نامے کی تشکیل میں ہندوستان کے اہم کردار کی نشاندہی کرتا ہے۔

مالی سال 2022-2021 میں 84.84 بلین امریکی ڈالر کی اب تک کی سب سے زیادہ سالانہ ایف ڈی آئی آمدرہا۔

گزشتہ 10 مالی سالوں (2024-2014) میں ایف ڈی آئی کی آمد 667.74 بلین امریکی ڈالر تھی۔ یہ گزشتہ 24 سالوں میں رپورٹ ہونے والی کل ایف ڈی آئی (991.32 بلین امریکی ڈالر) کا تقریباً 67فیصد ہے۔

ایف ڈی آئی میں 26فیصد کا اضافہ،مالی سال 2025-2024کی پہلی ششماہی میں ایف ڈی آئی 42 بلین سے زیادہ  امریکی ڈالر تک پہنچ گیا۔

خودکار راستے کے تحت موصول ہونے والی ایف ڈی آئی ایکویٹی آمد کا 90فیصد سے زیادہ حاصل ہوا۔

اس طرح کی ترقی عالمی سرمایہ کاری کی منزل کے طور پر ہندوستان کی بڑھتی ہوئی اپیل کی عکاسی کرتی ہے، جو ایک فعال پالیسی فریم ورک، ایک متحرک کاروباری ماحول، اور بڑھتی ہوئی بین الاقوامی مسابقت سے چلتی ہے۔ ایف ڈی آئی نے کافی غیر قرضہ مالی وسائل فراہم کرکے، ٹیکنالوجی کی منتقلی کو فروغ دے کر، اور روزگار کے مواقع پیدا کرکے ہندوستان کی ترقی میں یکسر تبدیلی پیدا کی  ہے۔ "میک اِن انڈیا" جیسے اقدامات نے سیکٹرل پالیسیوں کو آزاد کیا، اور گڈز اینڈ سروسز ٹیکس (جی ایس ٹی) نے سرمایہ کاروں کے اعتماد میں اضافہ کیا ہے، جب کہ مسابقتی لیبر کی لاگت اور اسٹریٹجک مراعات ملٹی نیشنل کارپوریشنوں کو اپنی طرف متوجہ کرتے رہتے ہیں۔

نتیجہ

پچھلے 11 سالوں میں، ہندوستان نے حکومت کے کاروبار کے ساتھ منسلک ہونے کے طریقے میں ایک بڑی تبدیلی دیکھی ہے۔ بداعتمادی کی وراثت سے ہٹ کر، حکومت اب تاجروں کو صرف منافع کمانے والے نہیں بلکہ قوم کی تعمیر میں کلیدی شراکت دار کے طور پر دیکھتی ہے۔ اس نئے نقطہ نظر نے اسٹارٹ اپس، ایم ایس ایم ای اور بڑی کمپنیوں کو اعتماد، شفافیت اور مدد کے ماحول میں ترقی کرنے میں مدد کی ہے۔ اس کے نتیجے میں، زیادہ وسائل عوامی بہبود میں استعمال ہو  رہے ہیں، نئی ملازمتیں پیدا ہو رہی ہیں، آمدنی میں اضافہ ہو رہا ہے، اور معیشت مضبوط ہو رہی ہے۔ ان برسوں میں نہ صرف ہندوستان میں کاروبار کرنے کے طریقے میں بہتری آئی ہے، بلکہ  امرت کال کے لیے ایک مضبوط بنیاد تیار ہوئی ہے، جو 2047 تک وکست بھارت کے وژن کے عین مطابق ہے۔

حوالہ جات

References:

PMO:https://www.pib.gov.in/PressReleasePage.aspx?PRID=1645472

Ministry of Finance: https://www.pib.gov.in/PressReleasePage.aspx?PRID=2035599

PIB Backgrounders:

https://www.pib.gov.in/PressNoteDetails.aspx?NoteId=153567&ModuleId=3

https://static.pib.gov.in/WriteReadData/specificdocs/documents/2024/oct/doc20241012415101.pdf

Ministry of Commerce and Industry:

https://www.pib.gov.in/PressReleasePage.aspx?PRID=2114011

https://www.pib.gov.in/PressReleasePage.aspx?PRID=2098452

https://www.pib.gov.in/PressReleaseIframePage.aspx?PRID=2059868

Ministry of Corporate Affairs: https://www.pib.gov.in/Pressreleaseshare.aspx?PRID=1604176

Ministry of Micro,Small & Medium Enterprises

https://www.pib.gov.in/newsite/PrintRelease.aspx?relid=78903

https://egazette.gov.in/WriteReadData/2023/248047.pdf

https://www.nsws.gov.in/

https://www.icegate.gov.in/about-us/icegate

https://dpiit.gov.in/logistics/national-logistics-policy

https://lpi.worldbank.org/

https://msme.gov.in/sites/default/files/Scheme-booklet-Eng.pdf

Click here for pdf file.

****

ش ح-م ش ع ۔۔ک ح۔ک ا۔ج ا۔م ش۔ع د

UR No-1896